Hollari pizza - með blómkálsbotn

Ég gerði mjög góða blómkálspízzu í kvöld.. Botninn er aðal málið, en það er ekkert brauð í þessari pizzu.

Hitið ofninn á blæstri við 180 gráður. 

Botn:

3/4 af blómkálshaus 

3 stk egg

2 lúkur rifinn ostur

smá salt

Aðferð: 

Saxið blómkálið smátt og hrærið eggin og ostinn samanvið. Ég setti þetta allt í matvinnsluvél.. það ætti líka að vera hægt að blanda þessu í blender eða í höndunum. 

blandan er síðan mótuð á bökunarpappír í skúffu og sett i ofninn í 10 mínutur. Eftir 10 mínutur er botninn tekinn út og það hráefni sem ykkur finnst gott sett á. 

Á pizzuna mina setti ég pizza/tómatsósu, smá ost, sveppi og camenbert. Pizzan sett aftur inní ofn í 12-15 mínutur. Ég setti parmaskinku í ofninn sem var auðvitað fail hjá mér en best er að setja hana á eftir að pizzan kemur úr ofninum og borða með klettasalati :) Annars er þessi pizza líklega góð með flest öllu áleggi.