Rjómakenndur hakk og pastaréttur með cheddarost og tómat
Æðislega góður og bragðmikill pastaréttur, mæli einstaklega mikið með honum en allir stóðu afvelta upp frá borðinu.
Uppskriftin er fyrir 6 fullorðna
Innihald:
Olía
1 Laukur
1 kg hakk
5 hvítlauksrif
1 tsk oregano krydd
1-2 tsk ítalskt krydd
2 tsk salt
1 tsk cayanne pipar
1.5 bolli tómatsósa (ég nota sykurlausa)
500 gr fusilini pasta
1 bolli rjómi
1 bolli rifinn cheddarostur
1 bolli nautasoð (nautakraftur leystur upp í bolla af soðnu vatni)
Aðferð:
Laukurinn er skorin og mýktur í olíu á pönnu í 4-5 mínútur, þá er hakkinu bætt út á pönnuna og eldað í gegn.
Pasta er sett í pott og eldað eftir leiðbeiningum á pakkanum
Fitunni er hellt af pönnunni og hvítlauk og kryddunum bætt út í, þegar kryddin hafa blandast vel við hakkið þá er tómatsósu og nautasoði bætt út í hakkið og látið malla.
Þegar pastað er tilbúið þá er pastanu ásamt rjóma og osti bætt út í hakkið og hrært þar til osturinn er alveg bræddur.
Æðislega gott með hvítlauksbrauði. Njótið vel
Ummæli
Skrifa ummæli