Þorskur með smjörsósu, chili og furuhnetum

Þennan þorskrétt hef ég verið að gera lengi, uppskriftin var upprunalega öðruvísi en þegar það eru tvö lítil börn á heimilinu þá er tíminn í eldamennskuna minni og ég er búin að vera auðvelda hana og er ekki frá því að hún verði betri með tímaum. Ég ætla deila með ykkur þessari dásamlega góðu fiski uppskrift, þið verðið sko ekki svikin. 

Uppskrift fyrir 3, auðvelt að stækka

Innihald fiskur:

600 gr þorskur

3-4 stilkar fersk steinselja

2 fersk chili

70 gr furuhnetur

2 msk olía

safi úr 1/2 sítrónu

salt og pipar

Smjörsósa: 

100 gr. smjör

3 msk soyasósa

Karteflumús:

1 stór sæt kartefla

3 msk. smjör

sjávarsalt

Aðferð karteflumús:

1. Skerið kartefluna í bita og sjóðið þagað til hún er orðin alveg mjúk. Hellið vatninu af og stappið saman með smjöri og sjávarsalti.

Aðferð fiskur:

Skerið niður steinselju og chili og setjið í skál með furuhnetum, olíu, sítrónusafa og salti og pipar.

leggið þorskflökin í eldfast mót. Saltið og piprið og setjið 2/3 af blöndunni ofan á fiskinn.

fiskurinn er síðan eldaður í ofni á 200 gráðum í 12-15 mínútur. 

Aðferð Smjörsósa:

Þegar fiskurinn fer inn í ofn þá er gott að byrja á smjörsósunni

Smjör er brætt í potti við við háan hita þangað til smjörið er orðið dökk brúnt þá er það tekið af og froðan er tekin af með skeið. Sojasósunni er svo bætt við smjörið. 

Þegar allt er tilbúið þá fer fiskurinn og karteflurnar á diskinn, smjörsósunni hellt yfir og restin af furuhnetublönduni sett á.

uppfærð 02.05.23

Njótið vel, Gígja S