Burrata ostur með pestó, tómötum og furuhnetum

Þessi réttur er sannkölluð veisla fyrir braðlaukana. Hentar vel sem forréttur í veislu eða jafnvel bara sem aðalréttur.

Innihald:

Burrata ostur 1-2 ostar

1 krukka grænt pestó

Litlir tómatar

Ristaðar furuhnetur

Basilika

Baguette brauð

100 gr íslenskt smjör

salt og pipar

hvítlaukssalt

basil krydd

Olía

Aðferð:

Ofninn Hitaður í 200 gráður blástur

Tómatarnir eru skornir í tvennt og penslaðir með olíu, salti, pipar og basil kryddi.

Baguette brauðið er skorið í sneiðar og penslað með bræddu íslensku smjöri og hvítlaukssalti

Tómatarnir og brauðinu er raðað í ofnskúffu og hitað í um 15 mínútur eða þar til brauðið er orðið aðeins brúnt og tómatarnir eldaðir

Á disk fer Burrata osturinn, pestóið, tómatarnir og furuhneturnar

Til Hliðar er gott að hafa auka furuhnetur og ferska basiliku

Njótið vel, Gígja S