Mexico Lasagna Með Rjómalagaðri Jalapeno Ostasósu

Þessi klikkar ekki skal ég segja ykkur.. hrikalega gott, og sumarlegt J

Uppskrift fyrir 4-5

Innihald:

600 gr nautahakk

Taco krydd (ég notaði extra spicy frá santa maria)

Matreiðslurjómi 250 ml

1 Jalapeno ostur

Gular baunir

Nýrnabaunir

Chunky Salsa

Mjúkar mais tortillur

2 ferskir tómatar

Rifinn ostur

( Örugglega mjög gott að setja rauðlauk og papriku, prófa það næst )

Ofninn hitaður í 190 gráður.

Aðferð:

1. Hakkið er steikt á pönnu með kryddinu samkvæmt leiðbeiningum.

2. Í pott fara saman rjóminn og osturinn þar til osturinn er bráðnaður.

3. Þegar hakkið er til eru baununum blandað saman við hakkið  á pönnunni.

4. Í botninn fara maiskökur, þar næst hakk blandan og ofaná hakkið fer jalapeno sósan. Ofan á sósuna fara svo aftur maiskökur og hakk ofaná þær og salsasósan ofan á hakkið. Toppað með ost og inn í ofn í 15-20 mínútur.

5. Þegar lasagnað kom út toppaði ég það með ferskum tómötum.

Njótið vel :) ...