Laxa soft taco með avocado lime dressingu

Laxa soft taco með avocado lime dressingu

Útbjó þetta unaðslega laxa taco sem er aðeins öðruvísi en maður er vanur að borða. Ég panta mér oft fish tacos þegar ég er erlendis og ég hef smakkað margar útgáfur en hér ætla ég að sýna ykkur mína uppskrift af svokölluðu fish taco. Rétturinn er afskaplega ferskur og sumarlegur.

Fyrir 2-3

Dressingin er á tacoinu er aðal málið, í hana fer:

180.gr 36% sýrður rjómi frá gott í matinn

1 avocado

Safi úr einni lime

7 sneiðar af jalapeno

nokkrir stikar af kóríander

smá salt

Þessu er öllu blandað saman í matvinnsluvél eða góðum blandara

Taco innihald:

2 tómatar

jöklasalat

gular baunir

hálfur rauðlaukur

lime

1 avocado

kóriander

feta kubbur frá gott í matinn

300 gr lax

cayanne pipar

8 soft corn tortillas ( Keypti minnstu gerðina i Bónus og klippti eins og 1 cm í kring til að gera þær enn minni, muna skola skærin vel bara. )

Jöklasalatið er saxað niður og tómötum, baunum, rauðlauk og lime safa blandað við.

Avocadoið skorið í teninga og fetakubburinn mulinn ( ég notaði helming af kubbnum ) 

Laxinn kryddaði ég með nóg af cayanne pipar og  grillaði síðan á mínútu grilli. hitaði tortillurnur einnig á mínútugrillinu. Að sjálfsögðu er líka hægt að hita hvorugt í ofninum.

Þá er þessu öllu smellt saman, salsanu, laxinum, acocado, fetaost, nóg af dressingu og toppað með smá kóríander.

Njótið vel..

Like síðan mín á facebook er www.facebook.com/gigjas