Dúnamjúk hringkaka með rjóma og ferskum berjum

Dúnamjúk hringkaka með rjóma og ferskum berjum

Sælir kæru lesendur

Ég er búin að vera að standa í flutningum því ekki búin að geta bloggað í smá tíma. Loksins er komin upp ofn og þá tilvalið að skella í eina sumarlega köku í sólinni. Þessi kaka er dásamlega góð og sumarleg. Uppskriftin er auðveld og það ættu allir að gera skellt í þessa guðdómlegu rjómaosta hringköku.

Uppskrift fyrir 8-10 manns

Ofninn er hitaður í 160 gráður blástur

Uppskrift:

250 gr Rjómaostur við stofuhita

200 gr Smjör við stofuhita

3 bollar sykur

6 egg við stofuhita

3 bollar hveiti

3 tsk vanilludropar

1 peli rjómi

ber eftir smekk

Aðferð:

Í hrærivélina fer rjómaostur og smjör og þeytt vel saman við sykurinn þar til blandan verður létt og ljós.

Næst fer eitt egg í einu og þeytt vel á milli.

Síðan fer hveitið og í lokinn vanilludropar.

Hringformið er smurt með smjöri og kakan sett inn í ofn í klukkutíma. Eftir klukkustund er fínt að prófa að stinga í kökuna þar sem ofnar eiga til að vera mismunandi. Ef það kemur ekkert á gaffalinn/prjóninn er kakan tilbúin. 

Kökunni er hvolfað á disk og flórsykri stráð yfir. Kakan er æðisleg borin fram með rjóma og ferskum berjum. 

Kakan er best samdægurs og ef hún er geymd lengur er best að geyma hana í lokuðu íláti inn í ískáp svo hún þorni ekki upp.

Verði ykkur að góðu og gleðilegt sumar

Bloggsíðan mín er www.gigjas.com og ég set það nýjasta inn á facebook síðuna mín www.facebook.com/gigjas