Aspas kjúklingur og parmesan kartöflur

Aspas kjúklingur og parmesan kartöflur

Gerði þennan æðislega kjúkling í kvöld og hann sló heldur betur í gegn, kjúklingurinn var ekkert smá ferskur og góður og sætu kartöflurnar með þeim betri sem ég hef gert.

Með þessu bar ég svo uppáhalds köldu sósuna mína sem er bragðbættur sýrður rjómi sem er góður með flest öllum mat finnst mér.

Það er auðvitað misjafnt fyrir hversu marga rétturinn er eldaður og hvað hver vill hafa mikið af kryddi ofl svo ég gef ykkur uppskriftina í frekar grófum dráttum

Ofninn hitaður í 200 gráður blástur

Innihald kjúklingur

Kjúklingur

Ostur 26% ostur frá MS

Aspas (mv. 2-3 á mann)

sítrónubörkur

salt og pipar

paprikukrydd

Kartöflur

Stór sæt kartafla (dugir fyrir 2-3)

1 hvítlauks rif

3-4 msk olía

salt og pipar eftir smekk

3 msk rifinn parmesan ostur, ferskur eða í kryddi

italian krydd eftir smekk

parsley kridd

Sósa:

18% sýrður rjómi frá ms

1 hvítlauks rif

safi úr hálfri sítrónu

salt og pipar eftir smekk

Öllu hrært saman við sósuna 

Aðferð:

Karteflurnar eru skornar í litla teninga

í sál er olíunni ásamt hvítlauk og kryddunum blandað saman fyrir utan parsley, það fer á karteflurnar þegar þær koma úr ofninum.

Kartöflunum er velt upp úr olíublöndunni og raðað á ofnplötu

Smá olía er skilin eftir til að pensla aspasinn

Kjúklingurinn er skorin þvert eins og opnaður eins og umslag

kryddaður með salti og pipar og sítrónubörkur er rifinn fínt yfir

Osturinn og olíuborinn aspasinn er svo settur inn í, kjúklingnum lokað og kryddaður með salti, pipar og papriku kryddi

Kjúklingurinn er þá settur á ofnplötuna með kartöflunum og bakað í ofninum í 25-30 mínútur.

Njótið vel, fleiri uppskriftir frá mér er að finna á www.gigjas.com og www.facebook.com/gigjas