Shakshuka brunch réttur með eggjum og fetaosti

Æðislega góður réttur sem er ekki erfitt að útbúa og fullkomin réttur á morgunverðar eða hádegisborðið með góðu súrdeigsbrauði.

Uppskrift fyrir 3-4

Innihald:

2 msk olía

1/2 laukur

3 hvítlauksrif

2 papríkur

1 tsk cayanne pipar

2 tsk cumin duft

2 stórar dósir af tómötum - Ég notaði eina dós með alveg söxuðum og aðra með bitum

6 egg

salt og pipar

kóríander

jalapeno

fetakubbur

Aðferð:

Byrjið á því að hita olíu á pönnu og steikja lauk þar til hann verður glær og mjúkur, bætið þá við hvítlauk og papríku og steikið í nokkrar mínútur.

Næst fara tómatar ásamt kryddum og látið malla í um 5 mínútur 

Næst eru gerð göt ofan í tómatana með skeið og eggin sett ofan í götin og pönnunni lokað þar til eggjahvítan hefur eldast en það eru um 5 mínútur.

Þegar eggin eru tilbúin er pannan tekin af hellunni og á toppinn er bætt við fetaost, kóríander og jalapeno eftir smekk. 

Æðislega gott með súrdeigsbrauði

Njótið vel, Gígja S