Kjúklingaréttur með brokkolí og chili rjómaosti

Æðislega góður og fljótlegur kjúklingaréttur með brokkolí og chili rjómaosti

Uppskrift fyrir 4

Innihald:

4 kjúklingabringur

200 gr rjómaostur með grillaðri papriku og chilli 

1 miðlungs brokkolíhaus

rifinn pizzaostur

salt,pipar og paprikukrydd(eða cayanne)

Aðferð:

Ofninn hitaður í 180 gráður blástur

Kjúklingabringurnar eru skornar smátt niður, kryddaðar og lagðar í eldfast form

í aðra skál er smátt skornu brokkolí blandað saman við rjómaostinn og honum næst bætt út í eldfasta formið 

Kjúklingurinn er eldaður í um 35 mínútur en það er gott að setja rifna ostinn yfir þegar um 15 mínútur eru búnar af eldunartíma. 

Réttinn bar ég fram með grjónum og sýrðum rjóma

Njótið vel, Gígja S